close

標題:

我隻倉鼠咩事？

發問:

上2個星期，我將男鼠放左同大鼠(女)玩左15分鐘，唔知佢地有咩發生xx。但男鼠同大鼠一直都係分寵養。 呢個星期大鼠好少出黎活動，成日係屋仔入面，食野都食少左，跑步都跑少左，佢之前好中意跑步。平時佢同細鼠(女)一齊住，都冇打架，但呢個星期佢成日趕左細鼠出黎訓。 然後我就將細鼠同大鼠分開寵養。 過左幾日，即係今日中午12點幾，我聽到大鼠係度叫，但成個寵得佢一隻鼠，見到佢反肚係度叫，個肚唔算大，因為佢本來就幾肥下，但係就濕濕地，唔知係尿定係汗…當然我冇掂佢。 佢叫有一陣，大約5分鐘就停左，坐反係度，又好似冇事咁。 到晚上8點幾，佢又開始反肚叫，一直都反住個肚，有時會叫。 好想知佢咩事。

最佳解答:

即係大鼠一齊玩完之後冇異常,一個星期之後先有成日呢埋既情況?A.可能懷孕,亦有可能係生病,兩樣都會有你講既情況;鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,即係有病就會叫 倉鼠懷孕係好難用肉眼去睇到,因為懷孕期短,熊仔鼠大約15-16天,細隻既鼠大約19-22天,而且倉鼠係會出現假懷孕既,連獸醫都有機會會驗錯(生b並唔需要睇醫生,亦唔好睇醫生,除非難產) 懷孕既特徵有以下幾點,但的確唔易肯定: 1)鼠媽媽個肚會忽然大左少少,但食得太多野都會肥. 2)乳頭會較為明顯. 3)心情煩躁,但兩隻鼠一齊,好多時會有打交既情況,所以冇bb都會咁,所以難分 4)書本都會話鼠鼠懷孕會築巢,但好難話見到鼠鼠築巢就當佢懷孕,因為鼠鼠本身就有築巢既習慣,好多鼠鼠平日都會整一個窩,收埋食物,除非墊材唔適合or有問題,又或太熱啦(我鼠鼠十分熱既時候都一樣會築巢) 鼠鼠生B要留意既事可參考: http://hk.knowledge.yahoo.com/question?qid=7008092102923 B.唔似懷孕or到期都未生b,就要多加留意係咪唔舒服,好多病都會有咁既情況較難話係咩事,但如果有明顯冇力之類較差既情況就要盡快睇醫生處理,當然,搵唔到咩事,唔嚴重都係睇醫生好d 鼠醫生: 大圍珍禽異獸及寵物醫院 DR.TIGER/DR.LAM 地址:大圍積信街75號地下 Tel: 2687 1030 http://www.taiwaiexotic.com/ 基本診金$290,藥及手術另計 旺角動物診所 - 梁醫生 九龍窩打老道66號A地下 電話 : 2760-1026 診金大約$280,藥及手術另計 睇醫生同時可以做下既事: 1)有第隻鼠既話要分籠,唔係會傳染(鼠鼠本身係獨居動物,冇事都係分籠會對鼠鼠好d) 2)保持周圍既環境衛生 3)唔好俾風直接吹到鼠鼠,要鼠鼠保持溫暖 4)俾一d有營養既野佢食.可以試下俾d麥片or白麵包佢 5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既 6)除檢查及治療之外唔好攪鼠鼠,鼠鼠生病,會對外界更加驚,而且需要多D休息 7)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心) C.如果係一齊玩完即時有異常,就有機會係受驚而做成,分籠之外最好將鼠籠之間分開D,鼠鼠受驚要留意既事可參考; http://hk.knowledge.yahoo.com/question?qid=7008031501447 另外有d野想提一提: 1)鼠鼠係獨居動物,唔適合同第隻鼠一齊生活,亦唔需要同第隻鼠玩一陣咁,希望就算鼠鼠冇事之後可考慮一籠一鼠及唔好將佢地放埋一齊玩,詳細建議一籠一鼠原因可參考; http://hk.knowledge.yahoo.com/question?qid=7008072500907 2)肥胖會誘發好多疾病,唔好俾零食俾鼠鼠食,而一籠兩鼠時一肥一瘦既話,則可能係一隻蝦一隻既情況

其他解答:

十分同意隻老鼠有左bb 但係對於去睇醫生... 要睇你的$$ 同你對隻老鼠有幾多愛la|||||我見意你都係問番獸醫啦,你D倉鼠可能生得啦!> - 2009-03-04 21:42:14 補充： 我見意你都係問番獸醫啦,你D倉鼠可能生得啦! 2009-03-04 23:04:15 補充： 知啦!= =

此文章來自奇摩知識+如有不便請留言告知

FAD2A23AB937987B

arrow
arrow
    文章標籤
    平時佢 同大 左幾日 黎訓 金大約
    全站熱搜
    創作者介紹
    創作者 omckyyo 的頭像
    omckyyo

    omckyyo的部落格

    omckyyo 發表在 痞客邦 留言(0) 人氣()

    E-mail轉寄