標題:

有關魚缸水質問題....................................................

發問:

我家的魚缸放在窗台 , 唔知點解D水變綠 , 之前都有一束水草在內 , 但比我掉左了, 我三日就換1/3水 , 但D水都係略帶綠 , 魚缸內冇泥 , 冇沙 , 只有兩個細貝殼 , 8 , 9粒石春 , 我是用掛濾的 , 內有生化棉和生物環 , 其餘都沒有了 . 還有 , D魚唔知點解D便便是綠色的 .全部都係一樣喎 . 請問 : 點樣令D水清D , 和令D魚的便便正常番呢 ! 請教吓我應該點樣做才好 . THANK !

免費註冊體驗

 

此文章來自奇摩知識+如有不便請留言告知

最佳解答:

UV燈因為貴所以我無用過, 但用過一瓶Tetra的Algae Control, , 取走活性炭, 然後跟樽上的指示用, 十小時後放回活性炭, 三天水就由綠變白, 一星期後換完水用多次, 再隔一段時間換多次水, 水就變清了。 不過記得用的時候要用打氣, 否則魚會缺氧。 如果有螺、蟹和蝦等要先取出才用, 不然必死無疑。

其他解答:

水如果有過多養份,又o係光線太充足o既地方,就會出現(1)青苔;(2)綠水。青苔你知啦,綠水係由於一種叫做綠小球藻o既藻類o係水中大量繁殖而引致。有陽光照射o既水尤其常見(如公園有魚o既水池),因為一來光線充足,二來陽光係全光譜,有好大部份o既光係水草用唔著、益哂d藻o既。 所以,一日養份唔減少,光線繼續太多,綠水都會不停出現,點換水都冇用。活性炭用於吸味吸色,但綠水唔係色,係藻,所以亦冇效。唯一可以用o既係uv(紫外線)燈,但要有個泵灌水入去先用到。 唔想治標殺d藻,就要治本: 1.減光:即係用少d燈管、減低火數(即係令以光能形式入水o既能量減少),當然,o係你o既程況,即係要搬缸或者搵o野遮下,等陽光唔好照到。 2.減養份:養份來源係魚糧,入缸後變成剩糧或者魚屎尿。如果放少d糧(一日一餐,兩三分鐘食清)就冇剩啦;要處理魚屎尿,一係減少魚隻密度,一係加強換水(主力換走缸底魚屎,濾水器只係處理水中阿摩尼亞同氮化物,唔係用o黎吸屎架)同過濾系統。濾水器要注意流量要夠,一個鐘都要做到全缸水五六個循環,生物環係最主要濾材,愈多愈好。 以上o既o野做足,綠水唔駛uv燈都搞得掂。 至於綠屎,咁就一定同食物有關(正如你食得多菜都會...你明啦)。可能魚食左好多植物,唔駛擔心。如樓上講,白屎先最驚,因為呢個係體內寄生蟲o既病癥。|||||個缸放係窗台, d水草晒太陽, d水咪變綠囉~ 而由於你只係變1/3既水, 而唔係全部, 就好似鹽水咁 換1/3都仲係咸嫁 唔會完全變到無咸味 同樣水亦唔會變到透明無綠色~ D魚D便便是綠色 呢個問題不大, 應該同食既野有關, 唔駛話太著重既~ 除非d便便變左白色先要留意 想令d水清d既方法, 你要頻密d變水 但緊記要養過既水先好換落去 否則氯氣影響魚魚既健康~ 睇睇個濾水器係咪夠力抽到大部分排泄物 夠唔夠個缸用 咁清污糟野就清得好d~ 除左咁就無其他方法, 或者可以買清道夫返黎清清個缸啦 其實無落泥底、沙底既話 d水一般都會清~|||||因放在窗台所以係咁,因為有陽光、紫外光,所以會生青苔,其實冇乜所胃, 對D魚冇害,你可隔二日用海棉擦缸,之後換水,可用清水劑,但對D魚無益,可換個強力D掛濾或加一個氣泵! 2008-05-13 12:26:46 補充: 加活性炭可令水質變清|||||我都試過有同樣的問題, 你有沒有用濾水器呢?你試下換咗濾水器裡的炭, 應該好快會好番.
arrow
arrow

    omckyyo 發表在 痞客邦 留言(0) 人氣()